Mıyane rindıye, weşıye, gulan u cenetı de rakewe. Çıyo ke to mi ra vatıbı, wexto ke ez vejıyaya teber mezela maya xo ser o ez do vaja. Nika na mektube de zı dibare kena, çime ciwıyayış u heskerdena mi. Daye! E derd, kul, dej u eşe ke seba mi zereye to der e bierze, caverde, e wa zerrıya to ra vecıye u bixelesıye. Wa zerrıya to rehet bo. Wa ruhe to rehet bo. Rehet rakewe. Wa çime to pey de memane. Timutim bi mi ra be. Ez to heta axire emre xo cenete zerrıya xo de dana we. Heskerdena xo ya besınore to re ruşnena. Vere vırıardişe to de birez bejna xo derenena, destane to baçı kena.