Gülşen-i vuslatta ey bülbül bu efgânın nedir
Aşkı fâş etmek midir kasdın bu destânın nedir
Yâr ile olmaktasın sîne-be-sîne leb-be-leb
Nûr-ı vechinden mi yandın nâr-ı sûzânın nedir
Fülk-i dil ummân-ı vasl-ı yâra müstağrak iken
Huşk-leb girdâb-ı aşk içinde devrânın nedir
Bezm-i vasl içinde câm-ı işretin leb-rîz iken
Kanmadın sahbâ-yı aşka hâhiş-ı cânın nedir
Mekteb-i dilde aref dersin tahakkuk eyle ger
Bulmadınsa Hakk’ı bu âlemde irfânın nedir
Dürre-i deryâ-yı vahdetsin yeter ko gafleti
Cevher-i zâtın teyakkun eyle bil kânın nedir
Bezm-i vahdette SALÂHÎ yâr ile hem-dem iken
Kesreti kalbinde cem‘ ettin bu dîvânın nedir
Devamı
Format |
:Kitap |
Barkod |
:9786050615630 |
Yayın Tarihi |
:2021-11-02 |
Yayın Dili |
:Türkçe |
Orjinal Adı |
:Dîvân |
Baskı Sayısı |
:1.Baskı |
Sayfa Sayısı |
:448 |
Kapak |
:Karton |
Kağıt |
:Kitap Kağıdı |
Boyut |
:150 X 230 |