Sê lîstikên şanoyê yên Mîrza Metîn; Dîsko 5 No'lu, Bûka Lekî û Gor bi hev re di kitebekê de kom bûn û bi navê Lîstikên Tomerî çap bûn.
Di pêşgotina berhemê de Berfîn Zenderlîoğlu wiha dinivîse: Di wan her sê lîstikan de jî nivîskar wêneya rûbirû mayina mekanîzmaya ku însan xwe dike mehkûmê xwe dikêşîne.
Hêma û metaforên ku bi kar tîne, mekanên ku ava dike (sê lîstik jî yek mekan in), lîstina bi zimên re, tekiliya wî ya bi zimanê gelerî û dengbêj û çîrokbêjan; hînbûna wî ya kurmancî (di 15-16 saliya xwe de dest bi hînbûna kurmancî dike û di 21 saliya xwe de hêdî hêdî dest bi axaftinê dike), navên ku ji bo karakteran hildibijêre, bikaranîna wî ya teknîkên vebêjiyê, têkiliya tekstên wî yê bi tekstên kevn û nivîskarên kevn û nûjen re, têkiliya wî ya bi rabirdû re, pêşdîtinên wî yên dahatûyî, şahidiya wî ya hemdem û hest û hêza wiya manewî tekstên wî dikişine akordekî xweser û ji bo xwendekar û rejîsor û lîstikvan û temaşevanên xwe riya ceribandineke seyrî û cuda derdixe holê. Ji Dîsko 5 No'lu Hucreyeke nîvtarî... Tora pîrevokan nava hucre û derdora wê dorpêç kiriye. Cop, kêr, qelas û amûrên wek wisa li ser torê dardekirî ne.
Erd tijî ava genî ye.
Li ser dîwaran Xwedê tune, pêxember çû bêhnvedanê dinivîse.
Ji Bûka Lekî
Di bin ronahiyeke romantîk de jinemankênek. Jinik rûken, esîl, porsor, bejinzirav, narîn û lihevhatî ye... Cilne rengo-rengo li xwe kiriye.
Destekî xwe daye ser noqa xwe. Mêrikek tê maxezeyê û çawa Mankenê dibîne dikeve nav tenûra erdê û dilê wî dişewite.
Ji Gor
Goristanek... Erd asîman e, asîman erd e. Bêhna goştên riziyayî û kurmên rizîxwaran tê.
Kundê kor û marê kerr deng didin.
Pepo, keko!
Kê kir? Min kir!
Kê kuşt? Min kuşt!
Kê şûşt? Min şûşt!
Lîstikên Tomerî
Dîsko 5 No'lu, Bûka Lekî, Gor
Mîrza Metîn