Sey waştena xo rojî ra ver rest serê koyî. Rojî pey koyan ra giran-giran sereyê xo vetêne. Merdimî winî zanitêne ke serê ê koyan de yew adiro girs wekerde bî û kila ê adirî zî heta rîyê asmênî bîbî berz, sey gonî sûr asayêne. Azad winî cayê xo de şaşbîye mend. Heta ke roj rind bî berz û pey koyî ra vejîya winî qayîtê rojî kerd. Eke destê ey ra biameyêne ey a rindekîye winî bidayêne vinetene. La hewrê sûrî zereyê tîja çeqere de bîbî vîndî. Êdî serê gilê koyî ra şîyêne.Derûdor pêro binê linganê ey de mendîbî