Henî ke Emîna wa, rind a, bêmanî ya Manîyê xu yo ke esto Seke aşma ke tede poncêse xenî bîye Çend roj ma rê hamekan ra vejîyo Kesî şewq û şemayê rojhilatî ra roj nêdîyo Kesî şewq û şemayê Emîna Koçere ra Emîna Koçere ti esmer a Genim gunîyêda de senên a?

“Reben ezo, Uskura biveşo bextê min û to rê koyî ver de Şodranê sîya Kela Şema kay kena cor de êna ser de Waxto ke bimbarekê rojî sarê xo vet, ez xo rê el-pençê vineto ver de Mi destê xo girê dayî, vilê xo kerd çewt mi va: “Ya nurê Mihemedê homete Bes o, ez feqîr o, ax û zar o, întîzar o, birîndar o, bêkes o, bêheval o Nafa na derba zalima xedare to mi ra mede, be çimê ram û keremî Nafa na kewa min a gozela nazike nazerîne mi rê verde wax…”

Rojê ne rojê, çixirê ma kuno ro qebristana Meyîtê ma nanê re serê çar dara Vanê “Dewrêş Baba bîyo meymanê mezela” Mi va, nesîb bo, ez to ser de bêrî, bêrî Mi va, şopê welatî ser de ez bêrî, bêrî

Nê kitabî de heştay û heşt estanikî/şanikî û hewtês hebî zî varyantê nê estanikan cagênê. Beşo peyên de zî yewendes estanikê ke derheqê bîyayîşê (xeliqîyayîşê) heywanan de yê est ê. Kulî pîya se û şîyês estanik ê û nê estanikî kulî aîdê herêma Gimgimî yê. Estanikî goreyê qiseykerdişê qiseykerdoxan ameyê nuştene. Herçiqas kirmanckîya/zazakîya herêma Gimgimî yewbînî bigêra zî şenik bo zî fekê hetê Lolan û Xormekan de tayê çîyê qij û xususî est ê. Xora wexto ke wendoxan dest bi nê kitabî kerd û wend, o taw nê

Xidir bêveng kewt oda û neynika ke Welî daybî ci kerde tûnika çaketê pîyê xo û bi pistnayîşî vat: pîyo mi rîyê xo û ê to a neynika ke to daybî mi de kerd vîndî û naye de reyna dî. Wa no rîyê mi to de bimano. Agêra û ver çarna ra odaya Çêçila, a zî hewn de bîye. Giran ame leyê cila xo, sivik binê meqetî ra çenteyê xo yo ke rew ra kerdîbî amade vet. Ame verê berî, vinet û agêra Munzurî de nîyada. Şopêk winî cayê xo de bî mat û mend. Seke verê ci de sînoro de zaf derg û çetin bî, beno ke... Her çî gamêk ra gir

Feqîr berbeno, qureno, nata yeno bota sono, bêçare maneno. Nîyadano ke mixara de hunde gilê derjênî roştî asena. Sono kineno, kineno cawo ke roştî yena, uza xêlê keno hîra, pira nîyadano, cawode henî rindek vêneno ke pêro bax û baxçe wo, çîçeg o, gul û gulîstan o, her cayê xo pêro kesk o. Tekneno sono o baxço rindek de vejîno. Nat û dot de nîyadano ke o baxçe pêro pirrê morûn o. Morî yenê dormeyê ro ci cênê, benê leyê Sahê Morû. Sahê Morû text û payê xo ser o ronîsto, nur û cemalê xo henî ke rindek o, çimê

Waxtêde beno nêbeno, zu padîsa beno. Nû padîsa hîrê tenî domanê xo estê. Rozê başqê sûke ra pasawo bîn yeno beno meymanê nî pasay. Kerwan yeno. Kerwan yeno tabî pers keno milet vano: - Îta ma nîşkîme to meyman kîme. Vano Pasayê ma esto so çê pasayê ma, û to belkî meyman kero. Sono uza. Sono uza saraya hênêne virasta ke fekê mêrikî açix maneno, pasawo ke amo başqê dugele ra. Efendîm beno sodir tabî waxto ke îndî şêro, beno raye ci ra vano: - Hey wax hey! Na saraya to ci rê çi layîq o, çi noksan o? Altin bilb

Kürtçe (Kırmancca/Zazaca) Dil Kartları, Vate Çalışma Grubu'nun standart kabul ettiği Zazaca/Kırmancca'ya uygun bir şekilde hazırlanmıştır. Dil Kartları, özet gramer, genel ifadeler, konuşma kılavuzu ve sık kullanılan kelimelerden seçilen sözlük bölümlerinden oluşmaktadır. Sözcüklerin anlamı aynı numara ile karşı sayfada bulunmaktadır. Bu metodla okuyucunun sözcük dağarcığını zenginleştirmek amaçlanmaktadır.

Ap Silêman... Ap Silêman şeştî û şeş serrî bî û pîyayêde zaf çetin bî. Derg bî, winî derg bî ke bejna dergê sey dare bîbî çewt, por ser a bîbî sipî, verê çiman de zî verçimikêde qalindî bî. Ap Silêmanî dewijanê xo ra zaf hes kerdêne labelê cirananê xo Xidirî ra pîtik bîyêne. Vîst û şeş serre ra zîyade yo ke înan yewbîn de têsere nêkerdêne. Kotî yewbînî bivînitêne ca de erzîyayêne yewbînî û yewbînî werdêne, qedenayêne. Meselêda girane mîyanê înan de bîye coka her dîyan qet yewbînî ra hes nêkerdêne. Her di k