Baş êno zanitene ke ziwan sey cuye yo. Ganî her roj xo newe bikero. Ewro zazakî de derheqê felsefe de, derheqê teknolojî de, derheqê zanistî de, mîyanê şarî de çekuyêde zazakî ya orijinal nêvajîna. Çimkî çinîya. Yê ke ma roşnvîrî newe ra virazenîme, ganî hem mîyanê şarî de vila bibê hem zî zafê şarê ma nê çekuyan qebul bikero û cuya xo de bixebitno. No zî çîyêde hînî rehet nîyo. Zaf çî wazeno…
Problemê zazakî zaf ê. Zazakî de fekî zaf ê. Tayê fekî yewbînî fehm nêkenê. Her dewe, her mezra goreyê xo qisey kena. Eke ma wazenîme ziwanê ma memiro, ganî ma ziwan de standardîzasyonê virazîme. Ganî fekî nêzdîyê yewbînî bibê. Ganî yewbînî fehm bikerê.